[Ensin títulu 1]
Tolos nomes beben, 2024, Letraversal
d’ente los hermanos
ramín/ de neñu
guardaba nel bolsu
cualquier escritu qu’atopaba
una fueya periódicu
o un recorte d’una esquela
y lleíalo munches vegaes
hasta que les lletres cayíen
una a una na so memoria
y atrás quedaben los restos
de lo que nun tresciende
en toda españa una pertinaz sequía
en toda espá/ una pertinaz sequía
en toda/ una pertinaz sequía.
paradoxa ye qu’ellí l’orbayu.
[Ensin títulu 2]
Tolos nomes beben, 2024, Letraversal
la señal vien
escrita pol so periodu
y el so llargor d’onda/
pola fase y pol ruíu.
dellos milagros formen
parte inherente
del espectru de radio.
facelos realidá
ye cuestión
de guetar la frecuencia
de resonancia.
la xénesis
complementario
tien naturaleza
corpuscular.
faise coles manes.
.
[Ensin títulu 3]
Tolos nomes beben, 2024, Letraversal
corciu firíu avanza
sentíu del tanxer de les campanes
flecha que nun se detién
llume no más fondo/
na quema prieto
camuda’l vinu
vaporiase la nueche/ virxe
nel cáliz pido agua
nel cáliz pido/ fráxil
mineral por raigañu.
na carne tolos nomes beben.